SMM-продюсер

Әлеуметтік желі продюсері Азаттықтың әлеуметтік желідегі парақшаларына лайықты контентті іріктеп, әзірлеумен айналысады. Ол әлеуметтік желідегі тренд болып жатқан тақырыптарды күнделікті бақылап, Азаттық парақшаларын қызықты, пайдалы әрі өтімді етуге ат салысады.

Үміткер Астана не Алматы қалаларының бірінде тұруы керек.

Білімі: журналистика не соған жақын салада бакалавр деңгейі не соған сай тәжірибе

Тәжірибесі: диджитал журналистикада не ақпарат құралында кемі 2 жыл тәжірибе

Білігі: ақпаратты таңдай білу; Қазақстандағы және әлемдегі қоғамдық-саяси, әлеуметтік, мәдени тақырыптардан хабардар болу; мәтін жазу, әлеуметтік және диджитал медиамен жұмыс істей білу, т.б.

Тіл білуі: қазақ тілінде еркін сөйлеп, жаза алу; орыс және ағылшын тілдерін білетіндерге басымдық беріледі.

Толық ақпарат алып, резюме қалдыру үшін мына сілтемені басыңыз.

Журналист

Азаттық радиосына видеоматериал әзірлеп, мәтін жазатын, әлеуметтік желідегі түрлі платформаларға материал дайындай алатын әмбебап журналист қажет.

Үміткер Астана не Алматы қалаларының бірінде тұруы керек.

Міндеттері:

• Саясат, экономика, қаржы, әлеумет, мәдениет, өнер, музыка, спорт сияқты тақырыптарда түрлі форматта аудиторияға қызықты контент жасау;

• Оқиға орнынан тілші ретінде ақпарат жинап, хабар тарату, адамдардан сұхбат алу;
• Мультимедиадағы дағдыларын пайдаланып хабар жүргізу, тікелей эфирден хабар тарату, аудио, видеоматериалдар әзірлеу, фото, видео түсіру, мақала жазу.

Үміткерге қойылатын талаптар:

Білімі: журналистика не соған жақын салаларда магистр деңгейі.

Тәжірибесі: Ақпарат құралдарында кемінде 3 жыл тәжірибе.

Тіл білуі: Қазақ тілі – міндетті. Орыс және ағылшын тілдерін білетіндерге артықшылық беріледі.

Толық ақпарат алып, резюме қалдыру үшін мына сілтемемен кіріңіз.